mnd11:86.1 <b>Nāmañca rūpañca paṭicca phasso</b>ti.
BAGIAN 86
mnd11:86.2 Cakkhuñca paṭicca rūpe ca uppajjati cakkhuviññāṇaṁ, tiṇṇaṁ saṅgati phasso.
mnd11:86.3 Cakkhu ca rūpā ca rūpasmiṁ cakkhusamphassaṁ ṭhapetvā sampayuttakā dhammā nāmasmiṁ.
mnd11:86.4 Evampi nāmañca rūpañca paṭicca phasso.
mnd11:86.5 Sotañca paṭicca sadde ca uppajjati sotaviññāṇaṁ, tiṇṇaṁ saṅgati phasso.
mnd11:86.6 Sotañca saddā ca rūpasmiṁ sotasamphassaṁ ṭhapetvā sampayuttakā dhammā nāmasmiṁ.
mnd11:86.7 Evampi nāmañca rūpañca paṭicca phasso.
mnd11:86.8 Ghānañca paṭicca gandhe ca uppajjati ghānaviññāṇaṁ, tiṇṇaṁ saṅgati phasso.
mnd11:86.9 Ghānañca gandhā ca rūpasmiṁ ghānasamphassaṁ ṭhapetvā sampayuttakā dhammā nāmasmiṁ.
mnd11:86.10 Evampi nāmañca rūpañca paṭicca phasso.
mnd11:86.11 Jivhañca paṭicca rase ca uppajjati jivhāviññāṇaṁ, tiṇṇaṁ saṅgati phasso.
mnd11:86.12 Jivhā ca rasā ca rūpasmiṁ jivhāsamphassaṁ ṭhapetvā sampayuttakā dhammā nāmasmiṁ.
mnd11:86.13 Evampi nāmañca rūpañca paṭicca phasso.
mnd11:86.14 Kāyañca paṭicca phoṭṭhabbe ca uppajjati kāyaviññāṇaṁ, tiṇṇaṁ saṅgati phasso.
mnd11:86.15 Kāyo ca phoṭṭhabbā ca rūpasmiṁ kāyasamphassaṁ ṭhapetvā sampayuttakā dhammā nāmasmiṁ.
mnd11:86.16 Evampi nāmañca rūpañca paṭicca phasso.
mnd11:86.17 Manañca paṭicca dhamme ca uppajjati manoviññāṇaṁ, tiṇṇaṁ saṅgati phasso.
mnd11:86.18 Vatthu rūpaṁ rūpasmiṁ, dhammā rūpino rūpasmiṁ manosamphassaṁ ṭhapetvā sampayuttakā dhammā nāmasmiṁ.
mnd11:86.19 Evampi nāmañca rūpañca paṭicca phasso.