mnd10:94.1 Cakkhunā rūpaṁ disvā rajanīye na rajjati, dussanīye na dussati, mohanīye na muyhati, kopanīye na kuppati, madanīye na majjati, kilesanīye na kilissati.
BAGIAN 94
mnd10:94.2 Sotena saddaṁ sutvā …pe…
mnd10:94.3 manasā dhammaṁ viññāya rajanīye na rajjati dussanīye na dussati, mohanīye na muyhati, kopanīye na kuppati, madanīye na majjati, kilesanīye na kilissati.
mnd10:94.4 Diṭṭhe diṭṭhamatto, sute sutamatto, mute mutamatto, viññāte viññātamatto.
mnd10:94.5 Diṭṭhe na limpati, sute na limpati, mute na limpati, viññāte na limpati.
mnd10:94.6 Diṭṭhe anūpayo anapāyo anissito appaṭibaddho vippamutto visaññutto vimariyādikatena cetasā viharati.
mnd10:94.7 Sute …
mnd10:94.8 mute …
mnd10:94.9 viññāte anūpayo anapāyo anissito appaṭibaddho vippamutto visaññutto vimariyādikatena cetasā viharati.