mnd10:122.1 <b>Na tassa puttā pasavo, khettaṁ vatthuñca vijjatī</b>ti.
BAGIAN 122
mnd10:122.2 <b>Nā</b>ti paṭikkhepo.
mnd10:122.3 <b>Tassā</b>ti arahato khīṇāsavassa.
mnd10:122.4 <b>Puttā</b>ti cattāro puttā—
mnd10:122.5 attajo putto, khettajo putto, dinnako putto, antevāsiko putto.
mnd10:122.6 <b>Pasavo</b>ti.
mnd10:122.7 Ajeḷakā kukkuṭasūkarā hatthigāvāssavaḷavā.
mnd10:122.8 <b>Khettan</b>ti sālikkhettaṁ vīhikkhettaṁ muggakkhettaṁ māsakkhettaṁ yavakkhettaṁ godhumakkhettaṁ tilakkhettaṁ.
mnd10:122.9 <b>Vatthun</b>ti gharavatthuṁ koṭṭhavatthuṁ purevatthuṁ pacchāvatthuṁ ārāmavatthuṁ vihāravatthuṁ.
mnd10:122.10 <b>Na tassa puttā pasavo, khettaṁ vatthuñca vijjatī</b>ti.
mnd10:122.11 Tassa puttapariggaho vā pasupariggaho vā khettapariggaho vā vatthupariggaho vā natthi na santi na saṁvijjanti nupalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti—
mnd10:122.12 na tassa puttā pasavo, khettaṁ vatthuñca vijjati.