mil6.3.8:7.1 Yathā vā pana, mahārāja, āturo kiso aṇuparimitakāyo sālakakimi hatthināgaṁ tidhā pabhinnaṁ navāyataṁ tivitthataṁ dasapariṇāhaṁ aṭṭharatanikaṁ sakaṭṭhānamupagataṁ disvā gilituṁ parikaḍḍheyya, api nu kho so, mahārāja, sālakakimi sakkuṇeyya taṁ hatthināgaṁ gilitun”ti?
BAGIAN 7
mil6.3.8:7.2 “Na hi, bhante”ti.
mil6.3.8:7.3 “Kena kāraṇena, mahārājā”ti?
mil6.3.8:7.4 “Parittattā, bhante, sālakakimissa, mahantattā hatthināgassā”ti.
mil6.3.8:7.5 “Evameva kho, mahārāja, ūnakasattavassikassa cittaṁ abalaṁ dubbalaṁ parittaṁ appaṁ thokaṁ mandaṁ avibhūtaṁ, mahatī asaṅkhatā nibbānadhātu.
mil6.3.8:7.6 So tena dubbalena cittena parittakena mandena avibhūtena na sakkoti mahatiṁ asaṅkhataṁ nibbānadhātuṁ paṭivijjhituṁ, tena kāraṇena ūnakasattavassikassa suppaṭipannassāpi dhammābhisamayo na hotī”ti.
mil6.3.8:7.7 “Sādhu, bhante nāgasena, evametaṁ tathā sampaṭicchāmī”ti.