Vessantaravagga

mil6.3.4:7.1 “Opammaṁ karohī”ti.

mil6.3.4:7.2 “Yathā, mahārāja, parittaṁ ekaṁ udakabindu pathaviyaṁ nipateyya, api nu kho taṁ, mahārāja, udakabindu dasapi dvādasapi yojanāni ajjhotthareyyā”ti?

mil6.3.4:7.3 “Na hi, bhante, yattha taṁ udakabindu nipatitaṁ, tattheva pariyādiyatī”ti.

mil6.3.4:7.4 “Kena kāraṇena, mahārājā”ti?

mil6.3.4:7.5 “Parittattā, bhante, udakabindussā”ti.

mil6.3.4:7.6 “Evameva kho, mahārāja, parittaṁ akusalaṁ parittattā kattāraṁyeva pariyādiyati, na sakkā saṁvibhajituṁ.