Vessantaravagga

mil6.3.1:24.1 Tasmā, mahārāja, vessantaro rājā puttadānaṁ datvā paṇṇasālaṁ pavisitvā nipajji.

mil6.3.1:24.2 Tassa atipemena dukkhitassa balavasoko uppajji, hadayavatthu uṇhamahosi.

mil6.3.1:24.3 Nāsikāya appahontiyā mukhena uṇhe assāsapassāse vissajjesi, assūni parivattitvā lohitabindūni hutvā nettehi nikkhamiṁsu.

mil6.3.1:24.4 Evameva kho, mahārāja, dukkhena vessantaro rājā brāhmaṇassa puttadāramadāsi ‘mā me dānapatho parihāyī’ti.