Buddhavagga

mil6.1.6:1.1 “Bhante nāgasena, tumhe bhaṇatha—

mil6.1.6:1.2 ‘arahā ekaṁ vedanaṁ vedayati kāyikaṁ, na cetasikan’ti.

mil6.1.6:1.3 Kiṁ nu kho, bhante nāgasena, arahato cittaṁ yaṁ kāyaṁ nissāya pavattati, tattha arahā anissaro assāmī avasavattī”ti?

mil6.1.6:1.4 “Āma, mahārājā”ti.

mil6.1.6:1.5 “Na kho, bhante nāgasena, yuttametaṁ, yaṁ so sakacittassa pavattamāne kāye anissaro hoti assāmī avasavattī;

mil6.1.6:1.6 sakuṇopi tāva, bhante, yasmiṁ kulāvake paṭivasati, tattha so issaro hoti sāmī vasavattī”ti.