Buddhavagga

mil6.1.4:6.1 Yathā, mahārāja, puriso addhānaṁ ativegena gaccheyya, tena so pakkhahato vā bhaveyya pīṭhasappī vā asañcaro pathavitale.

mil6.1.4:6.2 Api nu kho, mahārāja, mahāpathaviyā doso atthi, yena so puriso pakkhahato ahosī”ti?

mil6.1.4:6.3 “Na hi, bhante;

mil6.1.4:6.4 sadā paṭiyattā, bhante, mahāpathavī, kuto tassā doso?

mil6.1.4:6.5 Vāyāmasseveso doso, yena so puriso pakkhahato ahosī”ti.

mil6.1.4:6.6 “Evameva kho, mahārāja, neso doso ārambhassa, na nikkamassa, na kilesayuddhassa, yena tathāgato tasmiṁ samaye na pāpuṇi sabbaññutañāṇaṁ, atha kho āhārūparodhasseveso doso sadā paṭiyattā yevesā paṭipadā.