Santhavavagga

mil5.5.5:3.1 “Aṭṭhime, bhante nāgasena, puggalā pāṇaṁ hananti.

mil5.5.5:3.2 Katame aṭṭha?

mil5.5.5:3.3 Ratto rāgavasena pāṇaṁ hanati, duṭṭho dosavasena pāṇaṁ hanati, mūḷho mohavasena pāṇaṁ hanati, mānī mānavasena pāṇaṁ hanati, luddho lobhavasena pāṇaṁ hanati, akiñcano jīvikatthāya pāṇaṁ hanati, bālo hassavasena pāṇaṁ hanati, rājā vinayanavasena pāṇaṁ hanati.

mil5.5.5:3.4 Ime kho, bhante nāgasena, aṭṭha puggalā pāṇaṁ hananti.

mil5.5.5:3.5 Pākatikaṁyeva, bhante nāgasena, bodhisattena katan”ti.

mil5.5.5:3.6 “Na, mahārāja, pākatikaṁ bodhisattena kataṁ, yadi, mahārāja, bodhisatto pakatibhāvena onameyya mahāyaññaṁ yajituṁ, na yimaṁ gāthaṁ bhaṇeyya—