Santhavavagga

mil5.5.2:4.1 “Bhāsitampetaṁ, mahārāja, bhagavatā—

mil5.5.2:4.2 ‘uttiṭṭhe nappamajjeyya, udare saṁyato siyā’ti, bhaṇitañca—

mil5.5.2:4.3 ‘ahaṁ kho panudāyi, appekadā iminā pattena samatitthikampi bhuñjāmi, bhiyyopi bhuñjāmī’ti.

mil5.5.2:4.4 Yaṁ, mahārāja, bhagavatā bhaṇitaṁ—

mil5.5.2:4.5 ‘uttiṭṭhe nappamajjeyya, udare saṁyato siyā’ti, taṁ sabhāvavacanaṁ asesavacanaṁ nissesavacanaṁ nippariyāyavacanaṁ bhūtavacanaṁ tacchavacanaṁ yāthāvavacanaṁ aviparītavacanaṁ isivacanaṁ munivacanaṁ bhagavantavacanaṁ arahantavacanaṁ paccekabuddhavacanaṁ jinavacanaṁ sabbaññuvacanaṁ tathāgatassa arahato sammāsambuddhassa vacanaṁ.