Iddhibalavagga

mil5.1.4:5.1 Yathā vā pana, mahārāja, rañño satampi dvisatampi tisatampi amaccā honti, tesaṁ chayeva janā amaccagaṇanāya gaṇīyanti.

mil5.1.4:5.2 Seyyathidaṁ—

mil5.1.4:5.3 senāpati purohito akkhadasso bhaṇḍāgāriko chattaggāhako khaggaggāhako.

mil5.1.4:5.4 Eteyeva amaccagaṇanāya gaṇīyanti.

mil5.1.4:5.5 Kiṁ kāraṇā?

mil5.1.4:5.6 Yuttattā rājaguṇehi, avasesā agaṇitā, sabbe amaccātveva saṅkhaṁ gacchanti.

mil5.1.4:5.7 Evameva kho, mahārāja, vessantarena raññā mahādāne dīyamāne yaṁ sattakkhattuṁ mahāpathavī kampitā, akālikaṁ etaṁ kadācuppattikaṁ aṭṭhahi hetūhi vippamuttaṁ, na taṁ gaṇīyati aṭṭhahi hetūhi.