mil3.7.3:1.1 Rājā āha—
BAGIAN 1
mil3.7.3:1.2 “bhante nāgasena, kiṁ tumhe atītassa dukkhassa pahānāya vāyamathā”ti?
mil3.7.3:1.3 “Na hi, mahārājā”ti.
mil3.7.3:1.4 “Kiṁ pana, bhante, anāgatassa dukkhassa pahānāya vāyamathā”ti?
mil3.7.3:1.5 “Na hi, mahārājā”ti.
mil3.7.3:1.6 “Kiṁ pana paccuppannassa dukkhassa pahānāya vāyamathā”ti?
mil3.7.3:1.7 “Na hi, mahārājā”ti.
mil3.7.3:1.8 “Yadi tumhe na atītassa dukkhassa pahānāya vāyamatha, na anāgatassa dukkhassa pahānāya vāyamatha, na paccuppannassa dukkhassa pahānāya vāyamatha, atha kimatthāya vāyamathā”ti.
mil3.7.3:1.9 Thero āha—
mil3.7.3:1.10 “‘kinti, mahārāja, idañca dukkhaṁ nirujjheyya, aññañca dukkhaṁ nuppajjeyyā’ti etadatthāya vāyamāmā”ti.