8. Kammaphalaatthibhāvapañha

mil3.5.8:1.1 Rājā āha—

mil3.5.8:1.2 “bhante nāgasena, iminā nāmarūpena kammaṁ kataṁ kusalaṁ vā akusalaṁ vā, kuhiṁ tāni kammāni tiṭṭhantī”ti?

mil3.5.8:1.3 “Anubandheyyuṁ kho, mahārāja, tāni kammāni chāyāva anapāyinī”ti.

mil3.5.8:1.4 “Sakkā pana, bhante, tāni kammāni dassetuṁ ‘idha vā idha vā tāni kammāni tiṭṭhantī’”ti?

mil3.5.8:1.5 “Na sakkā, mahārāja, tāni kammāni dassetuṁ ‘idha vā idha vā tāni kammāni tiṭṭhantī’”ti.