7. Cakkhuviññāṇādipañha

mil3.3.7:5.1 “Kathaṁ, bhante nāgasena, ninnattā yattha cakkhuviññāṇaṁ uppajjati, tattha manoviññāṇampi uppajjati?

mil3.3.7:5.2 Opammaṁ karohī”ti.

mil3.3.7:5.3 “Taṁ kiṁ maññasi, mahārāja, deve vassante katamena udakaṁ gaccheyyā”ti?

mil3.3.7:5.4 “Yena, bhante, ninnaṁ, tena gaccheyyā”ti.

mil3.3.7:5.5 “Athāparena samayena devo vasseyya, katamena taṁ udakaṁ gaccheyyā”ti.

mil3.3.7:5.6 “Yena, bhante, purimaṁ udakaṁ gataṁ, tampi tena gaccheyyā”ti.