mil2:49.1 Atha kho sā mahāupāsikā āyasmantaṁ nāgasenaṁ etadavoca—
BAGIAN 49
mil2:49.2 “mahallikā khohaṁ, tāta nāgasena, gambhīrāya dhammakathāya mayhaṁ anumodanaṁ karohī”ti.
mil2:49.3 Atha kho āyasmā nāgaseno tassā mahāupāsikāya gambhīrāya dhammakathāya lokuttarāya suññatappaṭisaṁyuttāya anumodanaṁ akāsi.
mil2:49.4 Atha kho tassā mahāupāsikāya tasmiṁyeva āsane virajaṁ vītamalaṁ dhammacakkhuṁ udapādi—
mil2:49.5 “yaṁ kiñci samudayadhammaṁ sabbaṁ taṁ nirodhadhamman”ti.
mil2:49.6 Āyasmāpi kho nāgaseno tassā mahāupāsikāya anumodanaṁ katvā attanā desitaṁ dhammaṁ paccavekkhanto vipassanaṁ paṭṭhapetvā tasmiṁyeva āsane nisinno sotāpattiphale patiṭṭhāsi.