cnd22:21.1 <b>Anāsavo sabbadukkhappahīno</b>ti.
BAGIAN 21
cnd22:21.2 <b>Anāsavo</b>ti cattāro āsavā—
cnd22:21.3 kāmāsavo, bhavāsavo, diṭṭhāsavo, avijjāsavo.
cnd22:21.4 Te āsavā buddhassa bhagavato pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.
cnd22:21.5 Tasmā buddho anāsavo.
cnd22:21.6 <b>Sabbadukkhappahīno</b>ti sabbaṁ tassa paṭisandhikaṁ jātidukkhaṁ jarādukkhaṁ byādhidukkhaṁ maraṇadukkhaṁ sokaparidevadukkhadomanassupāyāsadukkhaṁ …pe…
cnd22:21.7 diṭṭhibyasanadukkhaṁ pahīnaṁ samucchinnaṁ vūpasantaṁ paṭippassaddhaṁ abhabbuppattikaṁ ñāṇagginā daḍḍhaṁ.
cnd22:21.8 Tasmā buddho sabbadukkhappahīnoti—
cnd22:21.9 anāsavo sabbadukkhappahīno.