cnd19:49.1 Vuttañhetaṁ bhagavatā—
BAGIAN 49
cnd19:49.2 “yaṁ, bhikkhave, na tumhākaṁ taṁ pajahatha.
cnd19:49.3 Taṁ vo pahīnaṁ dīgharattaṁ hitāya sukhāya bhavissati.
cnd19:49.4 Kiñca, bhikkhave, na tumhākaṁ?
cnd19:49.5 Rūpaṁ, bhikkhave, na tumhākaṁ, taṁ pajahatha.
cnd19:49.6 Taṁ vo pahīnaṁ dīgharattaṁ hitāya sukhāya bhavissati.
cnd19:49.7 Vedanā, bhikkhave, na tumhākaṁ, taṁ pajahatha.
cnd19:49.8 Sā vo pahīnā dīgharattaṁ hitāya sukhāya bhavissati.
cnd19:49.9 Saññā, bhikkhave, na tumhākaṁ, taṁ pajahatha.
cnd19:49.10 Sā vo pahīnā dīgharattaṁ hitāya sukhāya bhavissati.
cnd19:49.11 Saṅkhārā, bhikkhave, na tumhākaṁ, te pajahatha.
cnd19:49.12 Te vo pahīnā dīgharattaṁ hitāya sukhāya bhavissanti.
cnd19:49.13 Viññāṇaṁ, bhikkhave, na tumhākaṁ, taṁ pajahatha.
cnd19:49.14 Taṁ vo pahīnaṁ dīgharattaṁ hitāya sukhāya bhavissati.
cnd19:49.15 Seyyathāpi, bhikkhave, yaṁ imasmiṁ jetavane tiṇakaṭṭhasākhāpalāsaṁ taṁ jano hareyya vā ḍaheyya vā yathāpaccayaṁ vā kareyya.
cnd19:49.16 Api nu tumhākaṁ evamassa—
cnd19:49.17 ‘amhe jano harati vā ḍahati vā yathāpaccayaṁ vā karotī’”ti?
cnd19:49.18 “No hetaṁ, bhante”.
cnd19:49.19 “Taṁ kissa hetu”?
cnd19:49.20 “Na hi no etaṁ, bhante, attā vā attaniyaṁ” vāti.
cnd19:49.21 “Evameva kho, bhikkhave, yaṁ na tumhākaṁ taṁ pajahatha;
cnd19:49.22 taṁ vo pahīnaṁ dīgharattaṁ hitāya sukhāya bhavissati.
cnd19:49.23 Kiñca, bhikkhave, na tumhākaṁ?
cnd19:49.24 Rūpaṁ, bhikkhave, na tumhākaṁ, taṁ pajahatha.
cnd19:49.25 Taṁ vo pahīnaṁ dīgharattaṁ hitāya sukhāya bhavissati.
cnd19:49.26 Vedanā …pe…
cnd19:49.27 saññā …
cnd19:49.28 saṅkhārā …
cnd19:49.29 viññāṇaṁ, bhikkhave, na tumhākaṁ, taṁ pajahatha.
cnd19:49.30 Taṁ vo pahīnaṁ dīgharattaṁ hitāya sukhāya bhavissatī”ti.
cnd19:49.31 Evampi suññato lokaṁ avekkhati.