cnd19:2.1 <b>Dvāhaṁ sakkaṁ apucchissan</b>ti so brāhmaṇo dvikkhattuṁ buddhaṁ bhagavantaṁ pañhaṁ apucchi.
BAGIAN 2
cnd19:2.2 Tassa bhagavā pañhaṁ puṭṭho na byākāsi—
cnd19:2.3 “tadantarā imassa brāhmaṇassa indriyaparipāko bhavissatī”ti.
cnd19:2.4 <b>Sakkan</b>ti sakko.
cnd19:2.5 Bhagavā sakyakulā pabbajitotipi sakko.
cnd19:2.6 Atha vā aḍḍho mahaddhano dhanavātipi sakko.
cnd19:2.7 Tassimāni dhanāni, seyyathidaṁ—
cnd19:2.8 saddhādhanaṁ sīladhanaṁ hiridhanaṁ ottappadhanaṁ sutadhanaṁ cāgadhanaṁ paññādhanaṁ satipaṭṭhānadhanaṁ sammappadhānadhanaṁ iddhipādadhanaṁ indriyadhanaṁ baladhanaṁ bojjhaṅgadhanaṁ maggadhanaṁ phaladhanaṁ nibbānadhanaṁ.
cnd19:2.9 Imehi anekavidhehi dhanaratanehi aḍḍho mahaddhano dhanavātipi sakko.
cnd19:2.10 Atha vā sakko pahu visavī alamatto sūro vīro vikkanto abhīrū acchambhī anutrāsī apalāyī pahīnabhayabheravo vigatalomahaṁsotipi sakko.
cnd19:2.11 <b>Dvāhaṁ sakkaṁ apucchissan</b>ti dvāhaṁ sakkaṁ apucchissaṁ ayācissaṁ ajjhesissaṁ pasādayissanti—
cnd19:2.12 dvāhaṁ sakkaṁ apucchissaṁ.