Pucchāniddesa

cnd11:37.1 <b>Ye kecime samaṇabrāhmaṇāse</b>ti.

cnd11:37.2 <b>Ye kecī</b>ti sabbena sabbaṁ sabbathā sabbaṁ asesaṁ nissesaṁ pariyādiyanavacanametaṁ—

cnd11:37.3 ye kecīti.

cnd11:37.4 <b>Samaṇā</b>ti ye keci ito bahiddhā pabbajjūpagatā paribbājakasamāpannā.

cnd11:37.5 <b>Brāhmaṇā</b>ti ye keci bhovādikāti—

cnd11:37.6 ye kecime samaṇabrāhmaṇāse.

cnd11:37.7 <b>Iccāyasmā nando</b>ti.

cnd11:37.8 <b>Iccā</b>ti padasandhi …pe…

cnd11:37.9 iccāyasmā nando.