dn8:19.1 Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṁ kappenti.
BAGIAN 19
dn8:19.2 Seyyathidaṁ—santikammaṁ paṇidhikammaṁ …pe… osadhīnaṁ patimokkho
dn8:19.3 iti vā iti evarūpāya tiracchānavijjāya micchājīvā paṭivirato hoti.
dn8:19.4 Idampissa hoti sīlasampadāya.
dn8:19.5 Sa kho so, kassapa, bhikkhu evaṁ sīlasampanno na kutoci bhayaṁ samanupassati, yadidaṁ sīlasaṁvarato.
dn8:19.6 Seyyathāpi, kassapa, rājā khattiyo muddhāvasitto nihatapaccāmitto na kutoci bhayaṁ samanupassati, yadidaṁ paccatthikato;
dn8:19.7 evameva kho, kassapa, bhikkhu evaṁ sīlasampanno na kutoci bhayaṁ samanupassati, yadidaṁ sīlasaṁvarato.
dn8:19.8 So iminā ariyena sīlakkhandhena samannāgato ajjhattaṁ anavajjasukhaṁ paṭisaṁvedeti.
dn8:19.9 Evaṁ kho, kassapa, bhikkhu sīlasampanno hoti.
dn8:19.10 Ayaṁ kho, kassapa, sīlasampadā …pe…
dn8:19.11 paṭhamaṁ jhānaṁ upasampajja viharati.
dn8:19.12 Idampissa hoti cittasampadāya …pe…
dn8:19.13 dutiyaṁ jhānaṁ …
dn8:19.14 tatiyaṁ jhānaṁ …
dn8:19.15 catutthaṁ jhānaṁ upasampajja viharati.
dn8:19.16 Idampissa hoti cittasampadāya.
dn8:19.17 Ayaṁ kho, kassapa, cittasampadā.