dn26:22.1 Atha kho tesaṁ, bhikkhave, sattānaṁ evaṁ bhavissati:
BAGIAN 22
dn26:22.2 ‘mayaṁ kho kusalānaṁ dhammānaṁ samādānahetu āyunāpi vaḍḍhāma, vaṇṇenapi vaḍḍhāma.
dn26:22.3 Yannūna mayaṁ bhiyyoso mattāya kusalaṁ kareyyāma.
dn26:22.4 Kiṁ kusalaṁ kareyyāma?
dn26:22.5 Yannūna mayaṁ adinnādānā virameyyāma …
dn26:22.6 kāmesumicchācārā virameyyāma …
dn26:22.7 musāvādā virameyyāma …
dn26:22.8 pisuṇāya vācāya virameyyāma …
dn26:22.9 pharusāya vācāya virameyyāma …
dn26:22.10 samphappalāpā virameyyāma …
dn26:22.11 abhijjhaṁ pajaheyyāma …
dn26:22.12 byāpādaṁ pajaheyyāma …
dn26:22.13 micchādiṭṭhiṁ pajaheyyāma …
dn26:22.14 tayo dhamme pajaheyyāma—
dn26:22.15 adhammarāgaṁ visamalobhaṁ micchādhammaṁ …
dn26:22.16 yannūna mayaṁ matteyyā assāma petteyyā sāmaññā brahmaññā kule jeṭṭhāpacāyino, idaṁ kusalaṁ dhammaṁ samādāya vatteyyāmā’ti.
dn26:22.17 Te matteyyā bhavissanti petteyyā sāmaññā brahmaññā kule jeṭṭhāpacāyino, idaṁ kusalaṁ dhammaṁ samādāya vattissanti.
dn26:22.18 Te kusalānaṁ dhammānaṁ samādānahetu āyunāpi vaḍḍhissanti, vaṇṇenapi vaḍḍhissanti.
dn26:22.19 Tesaṁ āyunāpi vaḍḍhamānānaṁ vaṇṇenapi vaḍḍhamānānaṁ vīsativassāyukānaṁ manussānaṁ cattārīsavassāyukā puttā bhavissanti …
dn26:22.20 cattārīsavassāyukānaṁ manussānaṁ asītivassāyukā puttā bhavissanti …
dn26:22.21 asītivassāyukānaṁ manussānaṁ saṭṭhivassasatāyukā puttā bhavissanti …
dn26:22.22 saṭṭhivassasatāyukānaṁ manussānaṁ vīsatitivassasatāyukā puttā bhavissanti …
dn26:22.23 vīsatitivassasatāyukānaṁ manussānaṁ cattārīsachabbassasatāyukā puttā bhavissanti.
dn26:22.24 Cattārīsachabbassasatāyukānaṁ manussānaṁ dvevassasahassāyukā puttā bhavissanti …
dn26:22.25 dvevassasahassāyukānaṁ manussānaṁ cattārivassasahassāyukā puttā bhavissanti …
dn26:22.26 cattārivassasahassāyukānaṁ manussānaṁ aṭṭhavassasahassāyukā puttā bhavissanti …
dn26:22.27 aṭṭhavassasahassāyukānaṁ manussānaṁ vīsativassasahassāyukā puttā bhavissanti …