dn23:16.1 “Kiñcāpi bhavaṁ kassapo evamāha, atha kho evaṁ me ettha hoti:
BAGIAN 16
dn23:16.2 ‘itipi natthi paro loko, natthi sattā opapātikā, natthi sukatadukkaṭānaṁ kammānaṁ phalaṁ vipāko’”ti.
dn23:16.3 “Atthi pana, rājañña, pariyāyo …pe…
dn23:16.4 “atthi, bho kassapa, pariyāyo …pe…
dn23:16.5 yathā kathaṁ viya, rājaññā”ti?
dn23:16.6 “Idha me, bho kassapa, purisā coraṁ āgucāriṁ gahetvā dassenti:
dn23:16.7 ‘ayaṁ te, bhante, coro āgucārī;
dn23:16.8 imassa yaṁ icchasi, taṁ daṇḍaṁ paṇehī’ti.
dn23:16.9 Tyāhaṁ evaṁ vadāmi:
dn23:16.10 ‘tena hi, bho, imaṁ purisaṁ jīvantaṁyeva tulāya tuletvā jiyāya anassāsakaṁ māretvā punadeva tulāya tulethā’ti.
dn23:16.11 Te me ‘sādhū’ti paṭissutvā taṁ purisaṁ jīvantaṁyeva tulāya tuletvā jiyāya anassāsakaṁ māretvā punadeva tulāya tulenti.
dn23:16.12 Yadā so jīvati, tadā lahutaro ca hoti mudutaro ca kammaññataro ca.
dn23:16.13 Yadā pana so kālaṅkato hoti tadā garutaro ca hoti patthinnataro ca akammaññataro ca.
dn23:16.14 Ayampi kho, bho kassapa, pariyāyo, yena me pariyāyena evaṁ hoti:
dn23:16.15 ‘itipi natthi paro loko, natthi sattā opapātikā, natthi sukatadukkaṭānaṁ kammānaṁ phalaṁ vipāko’”ti.