dn23:14.1 “Kiñcāpi bhavaṁ kassapo evamāha, atha kho evaṁ me ettha hoti:
BAGIAN 14
dn23:14.2 ‘itipi natthi paro loko, natthi sattā opapātikā, natthi sukatadukkaṭānaṁ kammānaṁ phalaṁ vipāko’”ti.
dn23:14.3 “Atthi pana, rājañña, pariyāyo …pe…
dn23:14.4 atthi, bho kassapa, pariyāyo …pe…
dn23:14.5 yathā kathaṁ viya, rājaññā”ti?
dn23:14.6 “Idha me, bho kassapa, purisā coraṁ āgucāriṁ gahetvā dassenti:
dn23:14.7 ‘ayaṁ te, bhante, coro āgucārī;
dn23:14.8 imassa yaṁ icchasi, taṁ daṇḍaṁ paṇehī’ti.
dn23:14.9 Tyāhaṁ evaṁ vadāmi:
dn23:14.10 ‘tena hi, bho, imaṁ purisaṁ jīvantaṁyeva kumbhiyā pakkhipitvā mukhaṁ pidahitvā allena cammena onandhitvā allāya mattikāya bahalāvalepanaṁ karitvā uddhanaṁ āropetvā aggiṁ dethā’ti.
dn23:14.11 Te me ‘sādhū’ti paṭissutvā taṁ purisaṁ jīvantaṁyeva kumbhiyā pakkhipitvā mukhaṁ pidahitvā allena cammena onandhitvā allāya mattikāya bahalāvalepanaṁ karitvā uddhanaṁ āropetvā aggiṁ denti.
dn23:14.12 Yadā mayaṁ jānāma ‘kālaṅkato so puriso’ti, atha naṁ kumbhiṁ oropetvā ubbhinditvā mukhaṁ vivaritvā saṇikaṁ nillokema:
dn23:14.13 ‘appeva nāmassa jīvaṁ nikkhamantaṁ passeyyāmā’ti.
dn23:14.14 Nevassa mayaṁ jīvaṁ nikkhamantaṁ passāma.
dn23:14.15 Ayampi kho, bho kassapa, pariyāyo, yena me pariyāyena evaṁ hoti:
dn23:14.16 ‘itipi natthi paro loko, natthi sattā opapātikā, natthi sukatadukkaṭānaṁ kammānaṁ phalaṁ vipāko’”ti.