dn19:45.1 Atha kho, bho, mahāgovindassa brāhmaṇassa etadahosi:
BAGIAN 45
dn19:45.2 “katāvakāso khomhi brahmunā sanaṅkumārena.
dn19:45.3 Kiṁ nu kho ahaṁ brahmānaṁ sanaṅkumāraṁ puccheyyaṁ diṭṭhadhammikaṁ vā atthaṁ samparāyikaṁ vā”ti?
dn19:45.4 Atha kho, bho, mahāgovindassa brāhmaṇassa etadahosi:
dn19:45.5 “kusalo kho ahaṁ diṭṭhadhammikānaṁ atthānaṁ, aññepi maṁ diṭṭhadhammikaṁ atthaṁ pucchanti.
dn19:45.6 Yannūnāhaṁ brahmānaṁ sanaṅkumāraṁ samparāyikaññeva atthaṁ puccheyyan”ti.
dn19:45.7 Atha kho, bho, mahāgovindo brāhmaṇo brahmānaṁ sanaṅkumāraṁ gāthāya ajjhabhāsi:
dn19:45.8 “Pucchāmi brahmānaṁ sanaṅkumāraṁ,
dn19:45.9 Kaṅkhī akaṅkhiṁ paravediyesu;
dn19:45.10 Katthaṭṭhito kimhi ca sikkhamāno,
dn19:45.11 Pappoti macco amataṁ brahmalokan”ti.
dn19:45.12 “Hitvā mamattaṁ manujesu brahme,
dn19:45.13 Ekodibhūto karuṇedhimutto;
dn19:45.14 Nirāmagandho virato methunasmā,
dn19:45.15 Etthaṭṭhito ettha ca sikkhamāno;
dn19:45.16 Pappoti macco amataṁ brahmalokan”ti.