AN 3.27 · Sutta tentang Yang Harus Dijijiki

Kenali dunia dalam sutta ini

Sutta ini adalah panduan praktis tentang kebijaksanaan dalam memilih pergaulan. Mari kita simak bagaimana Buddha mengklasifikasikan tiga tipe individu dan sikap bijaksana yang dianjurkan untuk masing-masing.

TOKOH & TEMPAT

Sinopsis singkat

Sutta ini membahas tiga jenis individu yang ada di dunia dan bagaimana seharusnya kita bersikap terhadap mereka. Buddha mengajarkan bahwa ada orang yang harus dijijiki dan dijauhi, orang yang harus diperlakukan dengan keseimbangan batin, dan orang yang sebaiknya ditemani dan dilayani. Sutta ditutup dengan syair yang menekankan pentingnya memilih pergaulan yang tepat untuk pertumbuhan spiritual.

Pengantar Tiga Keranjang · bukan bagian dari teks kanonik.

BAGIAN 1

an3.27:1.1 “Tayome, bhikkhave, puggalā santo saṁvijjamānā lokasmiṁ.

an3.27:1.2 Katame tayo?

an3.27:1.3 Atthi, bhikkhave, puggalo jigucchitabbo na sevitabbo na bhajitabbo na payirupāsitabbo.

an3.27:1.4 Atthi, bhikkhave, puggalo ajjhupekkhitabbo na sevitabbo na bhajitabbo na payirupāsitabbo.

an3.27:1.5 Atthi, bhikkhave, puggalo sevitabbo bhajitabbo payirupāsitabbo.

an3.27:1.6 Katamo ca, bhikkhave, puggalo jigucchitabbo na sevitabbo na bhajitabbo na payirupāsitabbo?

an3.27:1.7 Idha, bhikkhave, ekacco puggalo dussīlo hoti pāpadhammo asuci saṅkassarasamācāro paṭicchannakammanto, assamaṇo samaṇapaṭiñño, abrahmacārī brahmacāripaṭiñño, antopūti avassuto kasambujāto.

an3.27:1.8 Evarūpo, bhikkhave, puggalo jigucchitabbo na sevitabbo na bhajitabbo na payirupāsitabbo.

an3.27:1.9 Taṁ kissa hetu?

an3.27:1.10 Kiñcāpi, bhikkhave, evarūpassa puggalassa na diṭṭhānugatiṁ āpajjati, atha kho naṁ pāpako kittisaddo abbhuggacchati:

an3.27:1.11 ‘pāpamitto purisapuggalo pāpasahāyo pāpasampavaṅko’ti.

an3.27:1.12 Seyyathāpi, bhikkhave, ahi gūthagato kiñcāpi na daṁsati, atha kho naṁ makkheti;

an3.27:1.13 evamevaṁ kho, bhikkhave, kiñcāpi evarūpassa puggalassa na diṭṭhānugatiṁ āpajjati, atha kho naṁ pāpako kittisaddo abbhuggacchati:

an3.27:1.14 ‘pāpamitto purisapuggalo pāpasahāyo pāpasampavaṅko’ti.

an3.27:1.15 Tasmā evarūpo puggalo jigucchitabbo na sevitabbo na bhajitabbo na payirupāsitabbo.